सैनामैना नगरपालिकाको इंगुरिया सामुदायिक वनमा मिति २०७६ पौष २२ गते गस्तीका क्रममा रहेको सैनामैना नगरपालिकाका कर्मचारी, नेपाल प्रहरी र सामुदायिका वन समितिका पदाधिकारीहरुको संयूक्त गस्ती टोलीले दिउसो ४ बजे इंगुरिया सामुदायिक वनको कुत्तामारे क्षेत्रबाट ८ क्यू. फुट सालको काठ तस्करहरुले तस्कर गरी लैजादै गरेको अवस्थामा बरामद गरेको छ । तस्करहरु गस्ती टोलीलाई देखेर काठ छोडि भागेको र तिनीहरुको पहिचान हुन नसकेको कुरा गस्ती टोलीका नेतृत्वकर्ता केशव प्रसाद न्यौपानेले बताउनुभएको छ । उक्त बरामद गरिएको काठ सैनामैना नगरपालिकाको सामुदायिक वन सञ्चालन तथा व्यवस्थापन कार्यविधि, २०७५ बमोजिम व्यवस्थापन गर्नुपर्ने कानुनी व्यवस्था रहेको छ ।